हरियाणा की मशहूर कहावतें Part-1

अ, आ

• अकल बिना ऊंट उभाणे फिरैं
• अकल मारी जाट की, राॅघङ राख़या हाली, वो उस नै काम कह, वो उस नै दे गाली
• अपनी रहिय्याँ नै न रोती, जेठ की जायियाँ नै रोवे
• अंधा न्यौतै और दो बुलावै अर तीसरा गैला आवे
• अरै, क्यूकर ब्याह में नाई की तरियां हो रहया सै ?
• अगेती फसल और अगेती मार करणियां की होवै ना कदे बी हार
• आई तीज, बिखेर गई बीज - आई होली, भर ले गई झोली
• आगै-पाछै नीम तळै ("one and the same thing")
• आड़ की पड़छाड़ की, मेरे नाना की ससुराड़
• आया मंगसिर, जाड्डा चाल्या रंग-सिर - आया पौह, जाड्डे हा हुआ छोह - आया माह, जाड्डा चाल्या राह-ए-राह - आया फागण, जाड्डा चाल्या हागण !
• आब-आब कहते मरे सिरहाणै धरया रहया पाणी (आब मतलब पानी) means use language that all understand
• औंधै जाट नै लागी अंघाई, भैंस बेच कै धोडी बसाई
• आँकल-झोट्यां का खाया कदे बेकार ना जाया करै
• आन्धी पिस्से कुत्ते खा
• आंध्यां की माखी राम उडावै
• आंध्यां बांटै सीरणी अप अपणा नै दे - औरां की के फूट-गी, आगा बढ़-कै ले
• आंधा गुरू आंधा चेला - कूंऐं में दोनूं ढ़ेल्लम-ढ़ेल्लां
• आपना मारे छाया में गेरे

इ, ई

• इबै किमै ना बिगङया, इबै तै बेटी बाप कै सै (Situation tensed but under control)
• इतनै काणी का सिंगार होगा.... मेळा बिछड़ ज्यागा
• इतनी चीकणी हांडी होती तै कुत्ते ए ना चाट लेते !
• इसा भाज्या हांडै सै जणूं गहण में चूड़े हांड्या करैं
• इसे बावळे तै भैंसवाळ में पावैंगे जो नहा कै सान्नी काटैं
• इसे पिलूरे ना पाळियो जो जाड्डे में रजाई मांगैं

उ, ऊ

ऊत न ऊत ग°गा जी के घाट पै टकरा ए जाया करै

ए, ऐ

• एक घर तै डायण भी छोड दिया करै
• एक भैंस सोवां कै गार लावै (एक सड़ी मछली सारे तालाब को गंदा करती है)

ओ, औ

• ओछा बाणियां, गोद का छोहरा, ओछे की प्रीत, बाळू की भीत - कदे सुख नहीं दें (A cunning money lender, adopted son, cruel love and a sand-wall will never give happiness)

क, ख

• काठ की हांडी रोज न चढ़ती
• कमीना का बालक त्यौहार के दिन रूस्या करै
• कद (कब) मरी मेरी सासू -- कद आये मेरै आँसू
• करजा (debt) भला ना बाप का, बेटी भली ना एक
• करमा के लेख उघाङ-उघाङ देख
• कर जावै घूंघट आळी, नाम झुरमट आळी का (someone does the mischief, blame goes to someone else)
• कदे कदे तै गधे की बी ग्यास आया करै
• काका के हाथ में कस्सी हळवी (हल्की) लाग्या करै
• काका के हाथ में कुलहाङी पैनी लाग्या करै
• काका कहे त कोए काकडी ना दे
• काग पढ़ाया पींजरै, पढ-ग्या चारूं वेद, समझायां समझया नहीं रहया ढेढ का ढेढ (You cannot educate a crow like a parrot even if you teach him in a cage, he will not understand anything just like a foolish man will remain foolish and wont change.)

• काणी के ब्याह में सौ जोखिम
• काणे, टूंडे और लंगड़े में एक ऐब फालतू-ए पाया करै
• काणे की आंख में घाला घी अर नू कह मेरी फोड दी
• काने की अर तेरी बणे नही, काणे बिना तुझे सरे नही
• काम का ना काज का ... ढाई मण अनाज का
• काम चुड़ैलां का, मिजाज परियां के ..
• काळे-काळे - सारे मेरे बाप के साळे
• काळे सिर आळे का कदे ना भरै (Human beings are never satisfied with their wealth)

• काया रहै निरोग जो कम खावै- उसका बिगड़ै ना काम जो गम खावै (He who eats less remains healthy. He never fails who does not get depressed)

• किमें मेरी का मन था, किमें आ-गे लणिहार
• कुत्ते कै घी हजम ना होया करै
• कुत्ते भोंके जा अर गाङी चाले जा
• कुम्हार की कुम्हारी पै तै पार बसावै ना, गधी के कान ऐंठण भाजै

• कुणबा खीर खा और देवते राजी हों (कनागत)
• के बाबा रेल में - के जेल में (Either this way, or that way)
• के जाणै भेङ बिंदौला की साह नै
• काटड़े की मां तलै 9 मण दूध, पर काटड़े का के ?
• काणे दादा पॉ लॉगू , वोहे लडाई के लच्छन
• खड़ा डरावा खेत में - ना खा, ना खाण दे
• खा तै खा घी तैं, ना तै जा जी तैं
• खाद पड़ै तै खेत, नांह तै कूड़ा रेत (Related to agriculture)
• खच्चरी मरी पड़ी सै, भाड़ा सोनीपत का ।
• खेती खसम हेती
• खांड का पानी होना अर्थ करे कराये पे पानी फिरना
•